ونبدااو بالشكل الاول لانا كنسمييه حلوة ديال دوزيم
 
 
ومقاديرهاا ساهلة نفس العجينة ديال الكعاب لكن انا في هاد المرة وفي هاد الشكل بالضبط كندير العجينة لي قلت ليكم لي كتتكون من كريم فريش والدقيق لانها كتجي مزيونة مع هاد الشكل بالضبط
 
والحشوة بحال الكعاب لوز مسلوق ومطحون ومنسم كيف العادة وانا لونتو جوج لوانات احمر واخضر كما في الصورة
كنطلقو  العجينة مستطيلااق ونعملو الحشوة اصابع طوييلة ورقييقة باش يجي شكل الحلوى متقون
ونلوييو العجينة على الحشوة ونحاولو منضوبلووش العجينة على الحشوة مجرد دورة وحدة ونغلقو مزياان
تم ناخدو داك رولو الرقيق لي حصلنا علييه ونحاولو نضغطو عليه غير شوية ونديرو المكان طي لداخل باش ميباانش تم نقطعو بالمقص بهاد الطريقة كيف ما كيباان
شوفو كيف انا كنميل  المقص
وصافي نحاولو نلفوو الحلوى كيف ماكتشوفو


 

 

 

 
 

 
 
 

 
 

 
 
 

 

 
 

 

 
الشكل لاتاني:
 
حلوة الوردة باللوز
ومقاديرها:
 
نفس مقادير الملوزة تقريباا
 
كناخد مقداار اللوز مسلوق ومطحون  اول طحنة وتاني طحنة مع سكر الكافي حسب الدوق   او تطحنيه مرة وحدة وتضيفي سكر كلاصي
 
تم تاخدي متلا على نص كيلو لوس كيس فاني+ قشرة حامضة كبيرة+ ملون احمر متكترووش باش يجي لون فنيدي + البيض عينك ميزانك ومتلا نص كيلو ممكن يشد 2 اصفر بيض وبياض بيضة استعملو الصفار وممكن تزيدو شوية ديال البياض+ ملعقة زبدة + ملعقة نشا او اكتر اداا فات ليكن البيض وجاتكم خفيفة النشاا كيخليها تجي متماسكة
 
كناخدو اللوز نخدموه مزيان مع العناصر لي قلناا
 
تم كنعملوها دوائر لاشاارة مافيهاش الخميرة حيت ادا درنا الخميرة غادا تجي بحال الملوزة وتفتح وتشق وحنا حاجتنا بيها تجي في شكل الوردة
 
بعد ما كنعملو دوائر صغار كناخدو طبسيثل ونديرو فيه سكر عادي ماشي كلاصي باش يعطي منضر للحلوة بالحبيبات ديالو وهاد سكر نضيفو له شي كيس ديال الفانيي ونفندو فيه الكويرات ديالناا تم بملعقة صغيرة نعملولو الشكل لي موضح في الصور بحال شي وردة وندخلوها للفران وهي مكاتخدش الوقت وماخاصهااش تتحمر واللوز مكيخدش الوقت وهي مافيهاش شي حااجة لي كتحتااج تطيب بزااف
 
المهم ماي كنكونو كنزوقو اكيد كيبقالنا متل فراغ في وسط الحلوى هدا غادي نحتاجووه بعد ما تطيب الحلوى
 
كناخدو حليب مركز كنطيبوه باش نحصلو على كرامييل وكناخدو حب الملوك لي كيتباع معسل نقسمو كل وحدة على نص ونديرو وسط الحلوة في داك لافراغ شوية دكراميل تم نصف حب الملوك وهاهي صور كتبين المراحل
 

 

 
 

 
 
 

 
 

 
 
 

 
 

 
 


وهادي البقلاوة بطريقتيي

نفس العجينة لاسابقة لي بالطحين والكريم فرييش غير اناا مكنديرهااش في لاطو وحدة حيت شي مرات كانت الطبقاات كتفرق على بعضها و وفكرت نعملها بهاد الطريقة واخا كتاخد الوقت كتر من الطريقة لي معروفة


عندي هنا اللوز مسلوق ومقلي ومطحون ومنسم    بمسكة وسكر حسب الدووق وقرفة وماء زهر وزبدة

كناخدو العجين ونطلقووه تم الحشوة نعملوها اصاابع كباار المهم يكون طول العجين والحشوة من طول اللاطة لي غادي نطيبوها يفهاا

ونحطو الحشوة

تم نلفو العجين ومنضوبلوش اللفة فقط شوية من الجهى السفلى باش تتسد وحيت مغاداش تباان ونغلقو الجناب مزياان ونحاولوو نقادووها بيداانا على الشكل المطلوووب ونهزو هادااك الرولو لي صوبنا ونحطووه هاكاك في اللاطة ونقطعووه فوق اللاطة ونخليهو مقاربيين يعني باش نحطو المستطييل نقطعووه بحاا لي كنقطعو البقلاوة بالطريقة لاقديمة

تم الرولو لاتاني ونصفووه جنب الاول ونقطعووه وهكدا حتا نسالييه  كل العجين والحشوة بهاد الشكل
ونزينوها باللوز كيف ما كتشوفوو وحتا ادا كان عندكم الوز لي كيتباع مقطع بشكل طولي ممكن تغرسووه فوق كل وحدة تحطو كدا قطعة ديال طراف اللوز

















وهادي حلوة سميتها حلوة ديال فلان
 
 

 
 
 
 

 
المقادير:
 
نص كيلو زبدة على ربع كيلو لوز مقشر وحمر في الزيت ومهرمش + 3 بكيات دفلان غير الصغير أكيد+ بيضة + خميرة صغيرة وممكن الاستغناء عن الخميرة غير ضرورية في هاد الوصفة
والدقيق عينا ميزاناا وممكن تكتري فلان
هنا كتاخدي زبدة خدميها مزيان ثم ضيفي البيض ثم الللوز مهرمش وفلان وتزيدي الطحين وتعمليها دوائر وتدخليها للفران بعد ما تطيب تلصقي جوج مع بعضهم بنسلي كراميل وتغطسيها في الشكلاط بيض وتزينيها حسب الرغبة
على فكرة هاد الوصفة مافيهاش السكر نداخل حيت كتفند في الشكلاط وطتلصق بنسليي وادا بغيتي تستتتنييو ممكن ديرو شي ربع كاس سكر
 
 
 
وهادي حلوى سميتها حلوة ديال العش لانها كتجي على شكل عش
 

 
 

 
 
 
 
مقادير:
 
ورقة دالبسكيلة
 
حشوة داللوز نفس حشوة الكعاب
 
بينيا= صنوبر
 
كناخدو الورقة ونقطعوها يا بالماكينة يا بالمقص  شرائط رقييقة ونديرولا الزبدة دايبة باش تساعدنا في الخدمة
 
كناخدو لوز كنديروه كويرات صغار وكناخدو كل كرة وناولو نلفو عليها شرائط ديال ورقة ديال البسطيلة وفي الفون ندخلو حبات الصنوربة تم نوضعوها في كواغط دالحلوى وندخلوها للفرن حتى تتحمر شوية تم نسقييو كل وحدة بشوية ديال العسل وباش نجيو نقدمووها نحيدو دوك الكواغط لي طابت فيهم ونديرو كواغك اخريت حيت كيكونو تقاسو بالعسى وباش طابت فيهم مبقاش منضرهم زوين
 
 
وهادي  محنشة اكيد الكل كيعرفها انا عملت نفس الحشوة ديال الكعااب
 
 

 

 
 
 
وهادي حلوة ديال الليموون
 
على قد ماهي سهلة على قد ما كتجي لديدة خاصة لي كيبغييو طعم الحامض في الحلويات
 
 
 

 

 
المقادير:
 
ربعة ديال الزبدة+ 2 ليمونات و3 برتقالات   محكوكين قشرتهم   وانا مرات كنزييت على هاد القيااس
 
وبعد مكنحكوهم كنعصرووهم ونحطو العصير على جنب ونديرو ليه شوية سكر باش نقصو من الحموضة ديال الليمون
 
كاس ديال السكر (كاس لميا)+ملعقة عسل كبيرة+ خميرة كبيرة+بيضة+ دقيق  حسب الخلييط
 
 
كالعادة  نخدمو الزبدة مع السكر تم   بيضة تم عسل تم قشر البرتقال والليمون  تم الدقيق مع الخمييرة
 
ومنقصحوهااش بزااف باش تجي هشييشة
 
 
كناخدوو العجين ونديرووه اصابع كبيرة وطويلة ونحاولوو نبسطوو عليه بايديناا بحال شكل البقلااوة لي وريت ليكم من قبل ونقطعو العجينة بالمووس شكل معيناات بحا البقلااوة تماامااا
 
وندخلوهاا للفراننن
وبعد ما طيييب نحطووو شي صيينية نفرشو عليها كاغيييك او توب نقيي ونستفو الحلوى قراب لبعض ونحاولو بشيتة نسقيوهم بعصير البرتقال والليموننن ونحليهم شوية ينشفوو ونرشو عليهم سكر كلاصي ونقدمووهم في كويغطاات دالحلوىى